Ukrayna 9 ayda Azərbaycandan 300,5 mln. dollarlıq neft alıb

Bakı. 8 oktyabr. REPORT.AZ/ Bu ilin yanvar-sentyabr ayları ərzində Ukrayna Azərbaycandan 300,503 mln. ABŞ dolları dəyərində neft idxal edib.

“Report”un Ukrayna KİV-inə istinadən verdiyi xəbərə görə, bu barədə Ukrayna Dövlət Fiskal Xidmətinin məlumatında deyilir.

Hesabat dövründə Ukrayna Əlcəzairdən 7,176 mln. dollar, İrandan 7,117 mln. dollar, digər ölkələrdən isə 2,807 mln. dollarlıq neft alıb.

Ümumilikdə, ilin 9 ayı ərzində Ukrayna 317,603 mln. dollar dəyərində 569,081 min ton neft idxal edib.