Treyderlərin tələblə bağlı narahatlıqlarına görə neft ucuzlaşıb

Dünya bazarlarında neft qiymətlərində cüzi azalma qeydə alınıb. Treyderlər tələblə bağlı perspektivləri qiymətləndirir və tədarüklə bağlı proqnozları izləyirlər.

“Report” birjalara istinadən xəbər verir ki, Şimal dənizində hasil olunan “Brent” markalı neftin sentyabr fyuçersləri 0,4 % ucuzlaşaraq 1 bareli 105,85 ABŞ dollarına satılıb. "WTI" marlkalı neftin sentyabr fyuçerslərinin qiyməti isə 0,42 % aşağı düşərək 1 bareli 99 ABŞ dolları təşkil edib.

Ucuzlaşmaya iqtisadi risklər fonunda tələblə bağlı narahatlıqlar, həmçinin ötən gün qeydə alınmış bahalaşmadan sonra korreksiya səbəb olub. Bununla belə, investorlar OPEC+ sazişi və Liviyada baş verən hadisələr fonunda tədarüklə bağlı perspektivləri qiymətləndirirlər.