“SOCAR Turkey" “İlin rəqəmsal transformasiya mükafatı”na layiq görülüb

Bakı. 26 oktyabr. REPORT.AZ/ Azərbaycan Dövlət Neft Şirkətinin (SOCAR) Türkiyədəki törəməsi – “SOCAR Turkey Enerji A. Ş.” “İlin rəqəmsal transformasiya mükafatı”na layiq görülüb.

“Report” xəbər verir ki, bu barədə şirkət sosial şəbəkədə rəsmi hesabında məlumat yayıb.

Bildirilib ki, şirkət bu mükafata qabaqcıl texnologiya tədbirlərindən olan “SAP NOW İstanbul”da sahib olub. Mükafatı şirkətin informasiya texnologiyaları üzrə direktoru Engin Kavas və “STAR Rafineri”nin informasiya texnologiyaları üzrə direktoru Gülsün Akhisaroğlu alıblar.