Yuxarı
    Bağlamaq

    SOCAR-ın vitse-prezidenti: “AGRI layihəsi çox böyük investisiya tələb edir”

    Gələcəkdə də Rumıniya Azərbaycan və SOCAR üçün prioritet ölkə olacaq

    Bakı. 19 noyabr. REPORT.AZ/ "Rumıniya Avropada Azərbaycan Dövlət Neft Şirkətinin (SOCAR) investisiya yatırdığı ilk ölkədir". “Report” xəbər verir ki, bunu SOCAR-ın iqtisadi məsələlər üzrə vitse-prezidenti Süleyman Qasımov deyib.

    Onun sözlərinə görə, rəsmi Bakı Buxarestlə sıx əməkdaşlığa üstünlük verir: “Gələcəkdə də Rumıniya Azərbaycan və SOCAR üçün prioritet ölkə olacaq”.

    S.Qasımov onu da deyib ki, AGRI (Azərbaycan, Gürcüstan, Rumıniya İnterkonnektoru) layihəsinin reallaşdırılması böyük vaxt və pul tələb edir: “AGRI layihəsi heç vaxt dayandırılmayıb. Sadəcə bu layihə çox böyük investisiya tələb edir. Nəzərə almaq lazımdır ki, layihə çərçivəsində biri Gürcüstanın Qara dəniz ərazisində, digəri isə Rumıniyanın Konstansa şəhərinin həmin dənizə düşən hissəsində olmaqla iki maye qaz terminalı (LNG) inşa edilməlidir. Hələlik isə SOCAR özünün xarici tərəfdaşları ilə birgə TAP və TANAP kimi təbii qaz layihələrinin reallaşdırılması ilə məşğuldur”.

    Qeyd edək ki, 2010-cu ildə Buxarestdə Azərbaycan, Gürcüstan və Rumıniya AGRI layihəsi ilə bağlı memorandum imzalayıb. Daha sonra Macarıstan da bu layihəyə qoşulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi