SOCAR Gürcüstanda qazlaşdırılmaya 300 mln dollardan çox investisiya yatırıb

"Azərbaycan Dövlət Neft Şirkətinin (SOCAR) Gürcüstandakı sərmayələrinin böyük hissəsi qazlaşdırılmaya yönəldilib".

“Report”un yerli bürosu xəbər verir ki, bunu SOCAR prezidenti Rövnəq Abdullayev deyib.

Onun sözlərinə görə, qonşu ölkənin qazlaşdırılması sahəsinə 300 milyon ABŞ dollarından çox investisiya yatırılıb: "Gürcüstan hökuməti bu sahəyə böyük vəsaitlər qoymağa fəal kömək edir. Bəzi kəndlərdə qazla təminat iqtisadi səmərə verməyə bilər, lakin Gürcüstan hökumətinin dəstəyi ilə dövlət proqramı vasitəsilə bu işlər həyata keçirilir".

R.Abdullayev qeyd edib ki, Gürcüstanda qazlaşdırma səviyyəsi 90 % təşkil edir və bu, yüksək göstəricidir.