“Shenkai” Azərbaycana neft avadanlıqlarının tədarükü ilə bağlı danışıqlar aparır

Çinin “Shenkai” şirkəti Azərbaycanın “Vanguard Energy” şirkəti ilə neft avadanlıqlarının tədarükü ilə bağlı danışıqlar aparır.

Bu barədə “Report”a “Shanghai Shenkai Petroleum & Chemical Equipment Corporation” şirkətinin nümayəndəsi Peter Niu Bakıda keçirilən “IADC Drilling Caspian 2025” sərgi-konfransının kuluarlarında məlumat verib.

O qeyd edib ki, şirkət artıq 10 ildən çoxdur ki, Azərbaycan Dövlət Neft Şirkətinə (SOCAR) avadanlıq tədarük edir.

"Hazırda biz “Vanguard Energy” ilə təxminən 0,5 milyon ABŞ dolları məbləğində avadanlığın tədarükü ilə bağlı danışıqlar aparırıq. Sazişin bu il imzalanacağını gözləyirik", - nümayəndə bildirib.