Rusiyanın "Qazprom" şirkəti Azərbaycana qaz nəqlinə başlayıb

Bakı. 1 oktyabr. REPORT.AZ/ Rusiyanın "Qazprom" şirkəti sentyabrın 29-da Azərbaycana qaz nəqlinə başlayıb. Orta sutkalıq tədarük həcmi təqribən 6 milyon kubmetr təşkil edir.

"Report" xəbər verir ki, bu barədə "İnterfax"a şirkətdən məlumat verilib.

"Qazprom" nümayəndəsi məlumat verib ki, müqavilə uzadılma ehtimalı ilə beş il müddətinə sentyabrda imzalanıb. Müqavilə ilə il ərzində 2 mlrd. kubmetrədək qaz tədarükü nəzərdə tutulub.