Pərviz Şahbazov: “Azərbaycanda “yaşıl enerji”nin payı 15 %-ə yüksəlib”

Bu ilin birinci yarısında Azərbaycanda elektrik enerjisi istehsalında “yaşıl enerji”nin payı 15 %-ə yüksəlib.

“Report” xəbər verir ki, bunu energetika naziri Pərviz Şahbazov “X” sosial şəbəkəsindəki hesabında bildirib.

Məlumata görə, bu ilin birinci yarısında Azərbaycanda elektrik enerjisinin istehsalı 13 milyard 557,4 milyon kVt/saat, ixrac 444 milyon kVt/saat, idxal isə 96,4 milyon kVt/saat olub.

Nazir qeyd edib ki, birinci yarımildə İstilik Elektrik Stansiyaları üzrə 11 milyard 525 mlyon kVt/saat, su da daxil olmaqla bərpa olunan enerji mənbələrindən 950,7 milyon kVt/saat artımla 2 milyard 032,4 milyon kVt/saat elektrik enerjisi istehsal edilib.

Bu ilin I yarısında operativ məlumatlara əsasən, elektrik enerjisinin istehsalı 13 557,4 mln. kVt·st, ixracı 444 mln. kVt·st, idxalı 96,4 mln. kVt·st olub. Birinci yarımildə İES-lər üzrə 11 525 mln. kVt·st, su da daxil olmaqla bərpa olunan enerji mənbələrindən 950,7 mln. kVt·st… pic.twitter.com/225Oq3esH2

— Parviz Shahbazov (@ParvizShahbazov) July 15, 2024