Bakı. 9 dekabr. REPORT.AZ/ Azərbaycan Dövlət Neft Şirkətinin (SOCAR) “Azəriqaz” İstehsalat Birliyində cari ilin noyabr ayı ərzində əhali sektoru üzrə 14 717 yeni abonent qeydiyyata alınıb.
“Report”un “Azəriqaz”a istinadən verdiyi xəbərə görə, bunun 6 755-i Bakı, Abşeron və Sumqayıt, 7 962-i isə regionlar üzrədir.
Bununla da ölkə üzrə təbii qazla təmin olunan abonentlərin ümumi sayı 1 980 526-ya çatıb.
Bu il dekabrın 1-i tarixinə olan məlumata görə, əhali sektoru üzrə 133 316 məcburi köçkün ailəsi dövlət tərəfindən ayrılmış limitə uyğun olaraq təbii qazla təmin olunub və qeyri-əhali sektoru üzrə 386 məscid və dini məbədə təbii qazdan əvəzsiz istifadəsi üçün limit ayrılıb.