Neft bir qədər ucuzlaşsa da, həftəni artımla başa vurur

Dünya neft bazarında Hindistanda çətin epidemioloji vəziyyətin təsirilə bu gün axşam da qiymət azalması yaşanıb, amma neft həftəni artımla başa vurmağa hazırlaşır.

“Report” xəbər verir ki, “Brent” markalı neftin iyun fyüçersləri 0,41 faiz ucuzlaşaraq 67,81, “WTI” markalı neftin may fyüçersləri isə 0,53 faiz ucuzlaşaraq 64,37 dollardan satılıb. Hərçənd uzun perspektivdə tələbatın artacağı gözləntilərinin təsirilə həftə ərzində həmin markalar müvafiq olaraq 1,7 faiz və 1,4 faiz bahalaşıb.

“İlin ikinci yarısında tələbatın böyük dərəcədə bərpası, habelə OPEC+ çərçivəsindəki hasilat təklifin xeyli azalmasına və qiymətlərin artmasına gətirib çıxaracaq” – deyə “Commerzbank” eksperti Eugen Vainberq “Bloomberg”-ə şərhində deyib.