“LUKoil”in beynəlxalq treyderi Venesuelaya tədarükü dayandırıb

Bakı. 14 fevral. REPORT.AZ/ Rusiyanın “LUKoil” neft şirkətinin beynəlxalq treyderi olan “Litasco” Venesuelaya neft məhsullarının tədarükünü dayandırıb.

“Report” xəbər verir ki, bu barədə “LUKoil”in rəhbəri Vahid Ələkbərov Soçi İnvestisiya Forumu zamanı bildirib.

Xatırladaq ki, bu yaxınlarda Avropanın 19 ölkəsi Venesuela müxalifətinin lideri Xuan Quaidonu ölkənin müvəqqəti prezidenti kimi tanıyıb.

Rusiya Prezidenti Vladimir Putin isə rəsmi dövlət başçısı Nikolas Maduroya dəstəyini bildirmişdi.