Gələcək üç ildə neftin qiyməti 50-60 dollar arasında dəyişəcək

Dünyada 2022-2024-cü illərdə neftin qiyməti orta hesabla 50-60 dollar arasında dəyişəcək.

“Report” xəbər verir ki, bu barədə Malayziyanın “Petronas” neft-qaz şirkətinin açıqladığı hesabatda deyilir.

Hesabata görə, koronavirusun yeni variantları ortaya çıxdığı üçün neftə tələbatın dirçəlməsində sabitlik olmasa da, hazırda dünya iqtisadiyyatı resesiyadan sonra davamlı dirçəliş mərhələsindədir, bir çox sahələrdə artım var.

Bununla belə, hesabata əsasən, hava nəqliyyatı sektoru yalnız 2024-cü ildə pandemiyadan əvvəlki səviyyəyə qayıdacaq.