Energetika naziri Avropada qazın bahalaşmasını şərh edib

Energetika naziri Pərviz Şahbazov Avropada təbii qazın qiymətinin artmasını şərh edib.

"Report" xəbər verir ki, o, bu barədə "Asharq Al-Awsat” nəşrinə müsahibəsində danışıb.

"Avropada strateji ehtiyatların mövcudluğu qaz böhranının yaranmasının qarşısını ala bilmədi. Bu böhran gələcəkdə, xüsusən də qış aylarında davam edəcək", - deyə nazir qeyd edib.

P.Şahbazov OPEC+ ölkələrinin qlobal enerji bazarında qiymətlərə nəzarət etmək üçün yol xəritəsinin hazırlanması üçün göstərdiyi səyləri yüksək qiymətləndirib.