Bu il SOCAR 28 yeni quyunu istismara verib

Bakı. 9 iyul. REPORT.AZ/ Cari ilin may ayı ərzində SOCAR (müştərək müəssisələr və əməliyyat şirkətləri istisna olmaqla) 10 775 metr qazma işi həyata keçirib.

"Report"un SOCAR-a istinadən verdiyi xəbərə görə, ümumiyyətlə, 2015-ci ilin yanvar-may aylarında SOCAR üzrə (müştərək müəssisələr və əməliyyat şirkətləri istisna olmaqla) 43 918 metr qazma işi görülüb ki, bunun da 42 918 metri istismara, 1 000 metri isə kəşfiyyata aid olub.

Qeyd edək ki, ilin əvvəlindən qazmadan alınmış 28 yeni quyu tikinti ilə başa çatdırılaraq mədənçilərə təhvil verilib.