Bu il əmtəəlik qaz hasilatı 16 %-dən çox artıb

Bu ilin yanvar-aprel aylarında Azərbaycanda 11 milyon 121,2 min ton qaz kondensatı daxil olmaqla xam neft hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 11 milyon 088,5 min tonu əmtəəlik xam neftin payına düşüb.

Hesabat dövründə neft hasilatı daha əvvəlki ilin eyni ayları ilə müqayisədə 3,8 % (əmtəəlik neftin həcmləri isə 3,9 %) azdır.

Bu ilin ilk dörd ayında 15 milyard 745,1 milyon kubmetr təbii qaz da hasil edilib. Bunun 11 milyard 992,1 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 14,4 %, əmtəəlik qaz hasilatı isə 16,5 % artıb.