“Brent” nefti cüzi ucuzlaşıb

Dünya bazarında neft ötən həftə 6 %-dən çox bahalaşdıqdan sonra fevralın 12-də ucuzlaşıb.

“Report” “İnterfaks”a istinadən xəbər verir ki, Londonun “ICE Futures” birjasında “Brent” markalı neftin aprel fyuçerslərinin qiyməti 0,34 ABŞ dolları aşağı düşüb və 1 barel üçün 81,85 ABŞ dolları təşkil edib.

Nyu-York əmtəə birjasında “WTI” markalı neftin mart fyuçersləri 0,34 ABŞ dolları ucuzlaşaraq 1 barel üçün 76,5 ABŞ dolları olub.