Azərbaycan və İran Araz çayı üzərində “Qız Qalası” hidroqovşağını işə salacaq

Yaxın günlərdə Azərbaycan-İran sərhədində yerləşən “Qız Qalası” hidroqovşağının istismara verilməsi nəzərdə tutulub.

“Report” İranın “Mehr” agentliyinə istinadən xəbər verir ki, bunu İranın Şərqi Azərbaycan Regional Su Şirkətinin icraçı direktoru Yusif Qaffarzadə deyib.

“Ölkənin şimal-qərbində ən mühüm layihə olan su elektrik stansiyasının (SES) tikintisi üzrə işlər yekunlaşıb və yaxın günlərdə onun təntənəli açılış mərasimi keçiriləcək”, - o bildirib.

Onu sözlərinə görə, “Qız Qalası” SES-in istismarı suvarma və kənd təsərrüfatının sürətli inkişafı ilə yanaşı, regionun iqtisadi inkişafına, kənd təsərrüfatı məhsullarının keyfiyyətinin yüksəldilməsinə və turizmin inkişafına gətirib çıxaracaq.

Qeyd edək ki, layihə iki su elektrik kompleksinin və quraşdırılmış gücü 100 MVt olan “Xudafərin” və 40 MVt gücündə “Qız Qalası” su elektrik stansiyalarının tikintisini nəzərdə tutur.

Bu layihənin həyata keçirilməsi təkcə Azərbaycana ildə 358 milyon kVt/saat elektrik enerjisi istehsal etməyə, 252 min hektar mövcud sahənin suvarılmasını yaxşılaşdırmağa və 12 min hektar yeni əkin sahəsinin suvarılmasını təmin etməyə imkan verəcək.

Ümumi gücü 1,6 milyard kubmetrdən çox olan bu su elektrik kompleksləri və elektrik stansiyaları Azərbaycan və İrana sərhəd Araz çayının su və enerji ehtiyatlarından birgə istifadə etməyə imkan verəcək.

2016-cı ilin iyulunda Azərbaycan Prezidenti İlham Əliyev Araz çayı üzərində “Xudafərin” və “Qız Qalası” su elektrik stansiyalarının və su elektrik stansiyalarının tikintisinin davam etdirilməsi, enerji və su ehtiyatlarının birgə istifadəsi haqqında Azərbaycan-İran sazişini təsdiqləyib.