Azərbaycan iyulda "OPEC+" kvotasından gündəlik 81 min barel geri qalıb

Bu ilin iyul ayında Azərbaycanda orta gündəlik neft hasilatı 470 min barel təşkil edib.

Bu barədə “Report” “S&P Global”ın icmalına istinadən xəbər verir.

İcmala əsasən, Azərbaycanın 2025-ci il üçün kvotasını nəzərə alaraq, iyul ayında "OPEC+" razılaşması çərçivəsində neft hasilatında geriləmə gündəlik 81 min barel təşkil edib.

Ötən ay Azərbaycanda gündəlik neft hasilatı iyun ayının göstəricisi ilə müqayisədə 10 min barel azalıb.

Azərbaycanın "OPEC+" ölkələri nazirlərinin 37-ci iclası çərçivəsində bu il üçün neft hasilatı kvotası gündəlik 551 min barel səviyyəsində saxlanılıb.