Bu ilin yanvar-iyun aylarında Azərbaycan Dövlət Neft Fonduna (ARDNF) Xəzərin Azərbaycan sektorunda yerləşən "Azəri-Çıraq-Günəşli" (AÇG) yataqlar bloku üzrə mənfəət neftinin satışından 2,21 milyard ABŞ dolları vəsait daxil olub.
“Report” bu barədə ARDNF-ə istinadən xəbər verir.
Bu müddət ərzində “Şahdəniz” yatağından hasil edilən qaz və kondensatın satışından isə ARDNF 197 milyon ABŞ dolları gəlir əldə edib.
O cümlədən, “Şahdəniz” yatağı üzrə kondensatın satışından əldə olunan gəlir 131 milyon ABŞ dolları təşkil edib.
Qeyd edək ki, AÇG-də mənfəət neftinin satışından ARDNF-ə vəsait 2001-ci ildən daxil olur.