Yuxarı
    Bağlamaq

    Türkan Şoray Bakıda mükafat və diplomla təltif edilib

    Xəzər Universitetində Avrasiya Akademiyasının ikinci rəsmi məclisi keçirilib

    Bakı. 17 noyabr. REPORT.AZ/ Xəzər Universitetində Avrasiya Akademiyasının ikinci rəsmi məclisi keçirilib. 

    "Report" xəbər verir ki, tədbirdə elm adamları, diplomatik korpusun nümayəndələri, səfirlər iştirak ediblər.

    Birinci hissədə akademiyanın yaranması və inkişafı haqqında film nümayiş etdirilib.

    Qeyd olunub ki, 2012-ci ildə həm beynəlxalq, həm də regional mahiyyət daşıyan Akademiya yaradılıb. Qurucu üzv Azərbaycan, Türkiyə və ABŞ vətəndaşları olub. Bura professor Halil İnalcık, Lütfi Zadə, Mahmut Qazi Yaşargil, bəstəkar Arif Məlikov və Hamlet İsaxanlı daxildir.

    Tədbirin ikinci hissəsində aktyor, rejissor və ssenarist Robert Hossein və aktrisa, rejissor Türkan Şoray haqqında tanıtım filmləri nümayiş olunub.

    Fransalı aktyor Robert Hossein və türkiyəli aktrisa Türkan Şoray Akademiyaya üzv seçiliblər. Onlara akademiyanın üzvlük diplomu və "Avrasiya əfsanəsi" mükafatı təqdim olunub. T.Şoray bu mükafata layiq görülən ilk qadındır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi