Yuxarı

Prezidentin təqaüdün artırılması ilə bağlı sərəncamı 110 minə yaxın tələbəyə şamil olunacaq

Prezident İlham Əliyevin tələbələrin təqaüdünün artırılmnası ilə bağlı

Bakı. 14 fevral. REPORT.AZ/ "Prezident İlham Əliyevin tələbələrin təqaüdünün artırılması ilə bağlı sərəncamı 110 minə yaxın tələbəyə şamil olunacaq".

"Report" xəbər verir ki, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib. 

O qeyd edib ki, Prezident İlham Əliyevin fevralın 14-də imzaladığı müvafiq sərəncam 110 minə yaxın təhsilalanın sosial müdafiəsini gücləndirəcək: "Dövlət büdcəsinin vəsaiti hesabına 2019- cu ilin martın 1-dən təqaüdlər orta hesabla 20%-ə yaxın artacaq. 

Cənab Prezidentin ali təhsil müəssisələrində təqaüd sisteminin təkmilləşdirilməsi ilə bağlı əlavə tədbirlər barədə digər sərəncamı ilə 2019-cu ilin martın 1-dən təqaüd yerlərinin sayı 16000 vahid artırılıb və təqaüd alan tələbələrin sayının tələbələrin ümumi sayına nisbəti hazırkı 31 faizdən 45 faizə çatdırılacaq".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi