Yuxarı

Məleykə Abbaszadə: "Ali məktəblərin hazırlıq qruplarına qəbul balı müəyyənləşdirilib"

Məleykə Abbaszadə: "Ali məktəblərin hazırlıq qruplarına qəbul balı müəyyənləşdirilib"
© Report — Dövlət İmtahan Mərkəzinin (DİM) Direktorlar Şurasının sədri Məleykə Abbaszad

"Ali məktəblərdə hazırlıq qruplarının yaradılması ilə bağlı müzakirələr hələ də aidiyyəti orqanlarda davam edir".

"Report" xəbər verir ki, bunu jurnalistlərə açıqlamasında Dövlət İmtahan Mərkəzinin Direktorlar Şurasının sədri Məleykə Abbaszadə deyib.

O qeyd edib ki, hazırlıq qruplarına qəbul üçün bal müəyyənləşdirilib: "Abituriyentlər bu balı topladıqları zaman istəklərinə uyğun olaraq həmin hazırlıq qruplarında oxuyacaqlar. Hazırlıq qruplarında təhsil aldıqdan sonra yenidən qəbul imtahanlarında iştirak edərək ali məktəblərə qəbul olunacaqlar. Ali məktəblərə hazırlıq qruplarının yaradılması təşəbbüsü ali məktəblərinin özündən də asılıdır".

M.Abbaszadə bildirib ki, builki qəbul prosesi mövcud qaydalar əsasında keçirilir: "Hazırlıq qrupları ilə bağlı qaydalar təsdiq edildikdən sonra onun tətbiqi mexanizmi barədə açıqlama verəcəyik. Yaxşı olardı ki, yeni qaydalar sentyabr ayında qəbul edilsin ki, həmin ilin abituriyentləri bu qaydaları əvvəlcədən bilsinlər. O zaman biz də maarifləndirmə işini düzgün və vaxtında qura bilərik".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi