Yuxarı

Nazir: "Bir aya təqaüd yerlərinin ixtisaslar üzrə bölgüsü təsdiq olunacaq"

Bir aya təqaüd yerlərinin ixtisaslar üzrə bölgüsü təsdiq olunacaq
© Report/ Elchin Murad — Təhsil naziri Ceyhun Bayramov

Bakı. 15 fevral. REPORT.AZ/ "Nazirlər Kabinetinin tapşırığı ilə ali məktəblərdə müvəffəqiyyət göstəriciləri əsasında dövlət hesabına maliyyələşən təqaüd yerlərinin sayının 16 min artırılması ilə bağlı ilkin təkliflər var".

"Report" xəbər verir ki, bunu təhsil naziri Ceyhun Bayramov keçirdiyi brifinqdə deyib.Onun sözlərinə görə, bir ay ərzində həmin yerlərin ixtisaslar üzrə bölgüsü təsdiq olunacaq: "İlkin təkliflər hazırlanıb və hökumət tərəfindən təsdiq olunduqdan sonra ictimaiyyətə ətraflı məlumat veriləcək".

Qeyd edək ki, dövlət hesabına maliyyələşən təqaüd yerlərinin sayının martın 1-dən 16 000 vahid artırılması və təqaüd alan tələbələrin sayının tələbələrin ümumi sayına olan nisbətinin hazırkı 31 faizdən 2019-2020-ci tədris ilində 45 faizə, 2020-2021-ci tədris ilindən başlayaraq isə 50 faizdən az olmayan səviyyəyə çatdırılması nəzədə tutulur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi