Azərbaycanın əməkdar təhsil işçisi vəfat edib

Bakı. 20 avqust. REPORT.AZ/ Azərbaycanın əməkdar təhsil işçisi Bayram Heydərov vəfat edib.

"Report" xəbər verir ki, o, ötən gün dünyasını dəyişib. 

B.Heydərov eyni zamanda “Zəngi” liseyinin yaradıcısı və uzun müddət direktoru olub. 

Qeyd edək ki, Azərbaycan Prezidenti İlham Əliyevin sərəncamı ilə Heydərov Bayram Mirabbas oğlu 2010-cu ildə Azərbaycan təhsilinin inkişafında xidmətlərinə görə “Şöhrət” ordeni ilə təltif edilib.