“Yüksəliş” müsabiqəsinin növbəti mərhələsi başlayıb

“Bu gün “Yüksəliş” müsabiqəsinin növbəti mərhələsinə start verilib. İmtahanların bir məkanda keçirilməsi nəzərdə tutulmuşdu. Ancaq pandemiya ilə əlaqədar 11 regionda keçirilir”.

“Report” xəbər verir ki, bu fikirləri "Yüksəliş" müsabiqəsi ilə bağlı yaradılan işçi qrupunun rəhbəri, Gənclər və İdman nazirinin müavini Fərhad Hacıyev deyib.

Onun sözlərinə görə, 300 nəfərə qədər iştirakçı yarımfinal mərhələsinə keçəcək: “Hər bir iştirakçıya maska, əlcək verilib. İmtahanda 4 blok üzrə suallar qoyulub”.

F.Hacıyev bildirib ki, “Yüksəliş” müsabiqəsi Azərbaycan Prezidentinin sərəncamı ilə keçirilir.