"Yaşıl SAF 2024" layihəsinə regionlar üzrə 348 komanda qeydiyyatdan keçib

"Yaşıl SAF 2024" layihəsinə regionlar üzrə 348 komanda qeydiyyatdan keçib.

"Report" xəbər verir ki, bunu Beynəlxalq Yaşıl STEAM Azərbaycan festivalının keçirilməsi ilə əlaqədar baş tutan brifinqdə STEAM Azərbaycan layihəsinin rəhbəri İqrar Nəzərov deyib.

Onun sözlərinə görə, layihədə iştirak edəcək komandaların sayı Bakı üzrə 223-dür: "Eyni zamanda 54 xarici komanda da layihə üzrə qeydiyyatdan keçib. Ümumilikdə, 2500-dən çox iştirakçı layihəyə qatılmaq istəyini ifadə edib. Hazırda 15 xarici ölkəni təmsil edən iştirakçılar qeydiyyatdan keçib, amma müraciətlər yenə də davam edir. Bu il beynəlxalq münsiflər heyətinin sayı təxminən 30 nəfərdir".