Kimya üzrə Nobel mükafatı laureatları açıqlanıb - YENİLƏNİB

Bu gün İsveçdə kimya üzrə Nobel mükafatının laureatları elan olunub.

“Report” xəbər verir ki, bu barədə İsveç Kral Elmlər Akademiyası məlumat yayıb.

Qaliblər Munqi Bavendi, Luis Bryus və Aleksey Yekimov olub.

Onlar “Kvant nöqtələrinin kəşfi və sintezinə görə” Nobel mükafatına layiq görülüblər.

İsveçin Kral Elmlər Akademiyasının Nobel Komitəsi 2023-cü il üçün kimya üzrə Nobel mükafatı laureatlarının adını açıqlayacaq.

“Report” TASS-a istinadən xəbər verir ki, mükafat resenziyalı nəşrlərdə dərc olunan məqalələrin müəlliflərinə verilə bilər. Kəşf əhəmiyyətli olmalı və bütün dünyanın alimləri tərəfindən tanınmalıdır, buna görə də eksperimentçilər mükafatı nəzəriyyəçilərdən daha tez-tez alırlar, nəzəriyyəçilər isə bunu məlum hadisənin tanınmış izahı üçün və tez-tez nəzəriyyəni təsdiqləyən eksperimentatorla birlikdə alırlar.

“Clarivate” şirkətinin qiymətləndirməsinə görə, mükafatı amerikalılar Ceyms Kollins, Maykl Elovis və Stanislas Leibler kimya üzrə mükafatı "sintetik biologiya sahəsində öncül olan süni gen sxemləri üzərində apardıqları qabaqcıl işlərə görə" ala bilərlər.

Alimləri sintetik biologiyanın qabaqcılları adlandırırlar, çünki süni gen sxemləri prinsipi hüceyrələri müəyyən məqsədlər üçün işləmək imkanı verir.

Mükafata iddialılar arasında britaniyalı alimlər də var.

İsveç ekspertləri mükafatın qlobal ekoloji layihələrlə işləyən alimlərə və ya iqlim tədqiqatçılarına verilə biləcəyini istisna etmirlər. Məqsədi zərərsiz və ekoloji cəhətdən təmiz maddələrin hazırlanması olan yaşıl kimya adlanan sahədə qabaqcıl işinə görə qalib amerikalı Pol Anastas ola bilər.