Nazir: "İstəyimiz odur ki, hər 5 uşaqdan heç olmasa biri məktəbəqədər təhsilə cəlb olunsun"

Elm və təhsil naziri Emin Əmrullayev hər beş uşaqdan heç olmasa birinin məktəbəqədər təhsilə cəlb olunmasını istəyir.

"Report" xəbər verir ki, nazir bunu Azərbaycan müəllimlərinin XVI Qurultayında çıxışında deyib.

O qeyd edib ki, bir ildən çox məktəbəqədər təhsilə cəlb olunanlar orta hesabla 10 % daha yaxşı nəticə göstərir.

"Məktəbəqədər təhsilə qoyulan investisiya üzrə geridönüş digər təhsil pillələrindən daha çoxdur (7-10 qat). Bu da iqtisadiyyatda təxminən 20-30 ildən sonra özünü göstərəcək. İstəyimiz odur ki, hər 5 uşaqdan biri heç olmasa məktəbəqədər təhsilə cəlb olunsun".