“İntellekt” məktəb-liseyində şagirdlərin davranışı ilə bağlı araşdırma aparılır

“İntellekt” məktəb-liseyində şagirdlərin sinif otağında tədris prosesinə uyğun olmayan davranışının əks olunduğu videogörüntü ilə bağlı məktəb rəhbərliyi tərəfindən müvafiq araşdırma aparılır.

Bu barədə "Report"a məktəb-liseydən məlumat verilib.

Qeyd olunub ki, məsələ ilə bağlı zəruri profilaktiki tədbirlər görülür.

Xatırladaq ki, yayılan görüntülərdə şagirdlər dərs prosesi zamanı müəllimin qarşısında rəqs edib, partaları aşırıb və idman hərəkətləri ediblər.