Nazir: Naxçıvan məktəblərindən çıxarılan vakansiyalara 1700-ə qədər namizəd müraciət edib

Naxçıvan Muxtar Respublikasının ümumtəhsil müəssisələrindən çıxarılan vakansiyalara 1700-ə qədər namizəd müraciət edib.

"Report"un yerli bürosunun məlumatına görə, bunu jurnalistlərə açıqlamasında Naxçıvan Muxtar Respublikasının təhsil naziri Elxan Nəcəfov deyib.

Nazir qeyd edib ki, bu gündən etibarən, muxtar respublikada ilk dəfə mərkəzləşdirilmiş qaydada müəllimlərin işə qəbulu başlayıb, təhsil müəssisələrindən çıxarılan vakansiyalara 1700-ə qədər namizəd müraciət edib. İmtahan prosesinin şəffaf təşkili üçün bütün zəruri işlər görülüb.

"Biz qısa zamanda ümumtəhsil müəssisələrində vakant yerləri tamamlayıb elektron bazaya yükləyəcəyik”, - nazir əlavə edib.