Bir neçə fənn üzrə təkmilləşdirilmiş təhsil proqramları təsdiqlənib

Ümumi təhsil müəssisələri üçün təkmilləşdirilmiş Azərbaycan dili (I-XI), ədəbiyyat (V-XI), coğrafiya (VI-XI), fizika (VII-XI) və informatika (I-XI) fənləri üzrə təhsil proqramları (kurikulumlar) təsdiqlənib.

“Report”un əldə etdiyi məlumata görə, bu barədə elm və təhsil naziri Emin Əmrullayev əmr imzalayıb.

Əmrin icrasına nəzarət nazir müavini Firudin Qurbanova həvalə olunub.

Qeyd edək ki, təsdiq edilən təhsil proqramları (kurikulumlar) əsasında yeni dərslik komplektləri hazırlanacaq.