Bakıda məktəbin hasarı uçub, tədris müvəqqəti dayandırılıb

Azərbaycanda müşahidə edilən yağıntılı hava şəraiti səbəbindən Bakının 123 nömrəli tam orta məktəbinin həyətyanı ərazisini əhatə edən hasarın bir hissəsi uçub.

Bu barədə "Report"a məktəbdən məlumat verilib.

Bildirilib ki, məsələ ilə bağlı dərhal müvafiq qurumlara müraciət edilib:

"Hadisə nəticəsində xəsarət alan olmayıb. Hazırda texnika və canlı qüvvə cəlb olunmaqla fəsadlar aradan qaldırılır. Rayon üzrə xidmət sahələri tərəfindəndə işlər görülür. Məktəbdə tədris prosesi müvəqqəti olaraq dayandırılıb",- məlumatda qeyd edilib.