Azərbaycan Dilinin Orfoepiya Lüğətində son tamamlama işləri aparılır, mayda nəşr ediləcək

Azərbaycan Dilinin Orfoepiya Lüğətinin son tamamlanma işləri aparılır, may ayında nəşr edilməsi gözlənilir.

Bunu “Report”a açıqlamasında Azərbaycan Milli Elmlər Akademiyası Dilçilik İnstitutunun baş direktoru, professor Nadir Məmmədli deyib.

Onun sözlərinə görə, lüğətin hazırlanma prosesi sistemli şəkildə aparılıb.

“Aydın məsələdir ki, orfoepiya lüğətinin hazırlanması asan məsələ deyil. Bu çox qarışıq, böyük zəhmət tələb edən prosesdir. Ona görə də son tamamlanma işlərinə də bir az zaman lazımdır”, - o əlavə edib.