Bakı. 16 may. REPORT.AZ/ Azərbaycan Milli Elmlər Akademiyasının (AMEA) əsas binasında AMEA Rəyasət Heyətinin genişləndirilmiş iclası keçiriləcək.
Bu barədə “Report”a akademiyadan məlumat verilib.
Mayın 24-də keçirilməsi nəzərdə tutulan toplantıda akademiyanın yeni seçilən həqiqi və müxbir üzvlərinə diplom və vəsiqələr təqdim olunacaq.
Qeyd edək ki, mayın 2-də olan AMEA Ümumi yığıncağında akademiyaya yeni həqiqi və müxbir üzvlər seçilib.