AMEA-da "Elm günü"nə həsr edilən sərgi keçirilib

Azərbaycan Milli Elmlər Akademiyasının (AMEA) əsas binasında "Elm günü" münasibətilə sərgi keçirilib.

"Report" xəbər verir ki, sərgidə AMEA-nın kollektivi və ictimaiyyət nümayəndələri iştirak ediblər.

Sərgidə AMEA-nın nəzdində fəaliyyət göstərən elmi müəssisə və təşkilatların 2021-ci ildə əldə etdikləri nəaliyyətləri, yeni ixtiraları, məqalələri təqdim olunub.

Qeyd edək ki, "Elm günü" 27 marta, yəni Novruz bayramı tətillərinə təsadüf etməsinə görə, sərgi aprelin 29-da təşkil edilib.