Neftçalada 43 kiçikhəcmli gəmiyə texniki baxış keçirilib

Neftçalada 43 kiçikhəcmli gəmiyə texniki baxış keçirilib Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti 2022-ci il üçün kiçikhəcmli gəmilərə texniki baxış cədvəlinə uyğun olaraq nəzarət tədbirlərini davam etdirir.
Ekologiya
1493
16 Mart , 2022 14:14
Neftçalada 43 kiçikhəcmli gəmiyə texniki baxış keçirilib

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti 2022-ci il üçün kiçikhəcmli gəmilərə texniki baxış cədvəlinə uyğun olaraq nəzarət tədbirlərini davam etdirir.

"Report"un Muğan bürosunun məlumatına görə, bu gün Xidmət tərəfindən Neftçala rayonunun Kürkənd kəndi ərazisində Kür çayı sahilində kiçikhəcmli gəmilərə texniki baxış keçirilib.

Baxış zamanı gəmilərin texniki sənədləri, onların yük və sərnişin götürmə qabiliyyəti üzrə texniki tələb və normaları, mühərriklərin gücü və sayı, üzmə rayonu, suüstü bortun minimal hündürlüyü, gəminin üzə biləcəyi dalğa hündürlüyü, xilasetmə və yanğın əleyhinə vasitələr, siqnal işıqları, naviqasiya və digər avadanlıqlarla təchizatı yoxlanılıb.

Qeyd edək ki, texniki baxışın keçirilməsi üçün ərazi üzrə ümumilikdə 43 asma mühərrikli qayığın sahibindən müraciət daxil olub. Texniki baxış nəticəsində norma və tələblərə cavab verən kiçikhəcmli gəminin sahibinə üzməyə icazə verən texniki talon təqdim olunub.

Hazırda FHN tərəfindən kiçikhəcmli gəmilərin texniki vəziyyətinin qiymətləndirilməsi davam etdirilir.

Son xəbərlər

Orphus sistemi