Qərbi Azərbaycan İcması Heydər Əliyevin 100 illiyi ilə əlaqədar ağacəkmə kampaniyası keçirib

Qərbi Azərbaycan İcması Heydər Əliyevin 100 illiyi ilə əlaqədar ağacəkmə kampaniyası keçirib.

"Report" xəbər verir ki, qurumun rəhbərliyi, İdarə Heyətinin üzvləri və Milli Məclisin deputatlarının iştirakı ilə başa tutan kampaniyada 100 ağac əkilib.

Qərbi Azərbaycan İcmasının sədri, Milli Məclisin deputatı Əziz Ələkbərli toplantının əhəmiyyətindən danışıb.

O bildirib ki, əkilən ağaclar Heydər Əliyev ideyalarına sadiqliyi göstərir:

"Heydər Əliyev Azərbaycan tarixinin ən böyük şəxsiyyətlərindən olub. Odur ki, onun yüz illik yubileyi bütün regionlarda xüsusi coşqu ilə qeyd olunur".