"Heydər Əliyev ili" çərçivəsində Samuxda ağacəkmə aksiyası keçirilib

“Heydər Əliyev ili” çərçivəsində Samux rayonunun Ziyadlı kəndi ərazisində və Samux-Yenikənd avtomobil yolunun kənarında növbəti ağacəkmə aksiyası keçirilib.

"Report"un Qərb bürosunun məlumatına görə, aksiyada Samux rayon İcra Hakimiyyətinin başçısı, şəhid ailələri, idarə, müəssisə və təşkilatların kollektivləri, sakinlər və gənclər iştirak ediblər.

Qeyd edək ki, yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş Ulu Öndər Heydər Əliyevin 100-cü ildönümü münasibəti ilə keçirilən ağacəkmə aksiyasında rayonun torpaq-iqlim şəraitinə uyğun müxtəlif cinsli 900 ədəd ağaclar əkilib.