Azərbaycan milli parklarında uşaqlar üçün güşələr yaradılacaq

Bakı. 1 mart. REPORT.AZ/ "Bu il milli parklarda uşaqlar üçün "Təbiəti dərk et-əylən" tipli güşələr yaradılacaq".

"Report" xəbər verir ki, bunu Ekologiya və Təbii Sərvətlər Nazirliyinin Bioloji müxtəlifliyin qorunması departamentinin direktoru Hikmət Əlizadə deyib.

Onun sözlərinə görə, burada məqsəd gənc nəslin, uşaqların milli park ərazilərində vaxtının daha səmərəli maraqlı keçirməsinə nail olmaqdır: "Burada uşaqlar üçün interaktiv, məntiqi, müxtəlif məzmunlu təbiətə aid oyunların keçirilməsi nəzərdə tutulub".