"Fikrət Qoca-80" adlı sərgi açılıb

Bakı. 24 avqust. REPORT.AZ/ Avqustun 25-i xalq şairi, Azərbaycan Yazıçılar Birliyinin (AYB) katibi Fikrət Qocanın 80 yaşı tamam olur. Bu münasibətlə M.F.Axundov adına Milli Kitabxanada “Fikrət Qoca-80” başlığı altında kitab sərgisi açılıb.

"Report" xəbər verir ki, bu barədə məlumatı Milli Kitabxana yayıb.

Sərgidə şairin Azərbaycan və xarici dillərdə çap olunmuş kitabları, haqqında yazılmış, ön söz yazdığı, redaktə etdiyi kitablar öz əksini tapıb.