Yuxarı

Fransisko Frankonun nəşi köçürüləcək

Frankonun nəşi köçürüləcək

İspaniyanın sabiq rəhbəri, general Fransisko Frankonun nəşi oktyabrın 24-də yenidən müayinə olunacaq.

“Report” DW-yə istinadən xəbər verir ki, hazırda Madrid yaxınlığındakı “Şəhidlər vadisi” xatirə kompleksinin kilsəsində olan mərhum diktatorun nəşi paytaxt ətrafındakı El Pardo sarayında torpağa tapşırılacaq. Dəfn mərasimində mərhumun yaxınları ilə yanaşı, ölkənin ədliyyə naziri Dolores Delqadonun da iştirak edəcəyi bildirilir.

Qeyd edək ki, ötən ilin yayında sosialist hökumətinin fəaliyyətə başlaması ilə faşist diktator Frankonun məqbərəsi yenidən siyasi gündəmə gəlib. Ötən ayın sonunda Ali Məhkəmə F.Frankonun nəşinin köçürülməsinə icazə verib. Halbuki mərhumun varisləri bununla razılaşmır.

1936-1939-cu illər vətəndaş müharibəsində həlak olanların dəfn olunduğu “Şəhidlər vadisi”ndə 35 minədək insan dəfn olunub. Solçuların yaratdığı Xalq Cəbhəsi hökumətinə qarşı hərbi üsyan qaldıran general F.Franko 4 il davam edən müharibə nəticəsində ölkədə hakimiyyəti ələ keçirərək sərt avtoritar rejim qurmuş, caudillo (rəhbər, öndər) rütbəsilə 1975-ci ildə vəfat edənədək ölkəni idarə etmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi