DÇ-2022: Mərakeşli azarkeşlər Parisdə iğtişaşlar törədib

Mərakeş millisinin azarkeşləri Qətərdəki dünya çempionatının 1/4 final mərhələsində Portuqaliya üzərində qələbədən sonra Fransanın paytaxtı Parisdə iğtişaşlar törədib.

"Report"un yerli mətbuata istinadən məlumatına görə, Yelisey meydanına toplaşan afrikalı fanatlar yığmalarının yarımfinala yüksəlməsini çılğınlıqla qeyd ediblər. Nəticədə polislərlə tərəfdarlar arasında qarşıdurma baş verib.

Hüquq-mühafizə orqanlarının əməkdaşları kütləni dağıtmaq üçün gözyaşardıcı qazdan istifadə edib. Sosial şəbəkələrdə yayılmış videolarda polislərin azarkeşlərə qarşı fiziki güc tətbiq etdiyi, onları dəyənəklərlə vurduqları açıq-aşkar görünür.

Qeyd edək ki, 1/4 finalda Portuqaliyanı 1:0 hesabı ilə məğlub edən Mərakeş yığması yarımfinalda Fransa ilə qarşılaşacaq. Görüş dekabrın 14-də baş tutacaq.

French police officers attacked with fireworks in Paris by Moroccan fans. pic.twitter.com/2nFQN5nlzj

— Visegrád 24 (@visegrad24) December 10, 2022

French police clashed violently with football fans in Paris following Saturday's quarter final matches between France and England and Morocco and Portugal. pic.twitter.com/JNkn5AUTCp

— PressTV Extra (@PresstvExtra) December 11, 2022