DÇ-2022: Argentina millisinin qapıçısı niderlandlı futbolçuları söyüb

Argentina millisinin qapıçısı Emiliano Martinez Qətərdə keçirilən dünya çempionatının 1/4 final oyunundan sonra Niderland yığmasının futbolçularını söyüb.

"Report" "Daily Mail"ə istinadən xəbər verir ki, 30 yaşlı qolkiper penaltilər seriyasından sonra nalayiq ifadələr işlədib.

Qeyd edək ki, Argentina komandası əsas və əlavə vaxtı 2:2 hesablı heç-heçə ilə başa çatan qarşılaşmanın penaltilər seriyasında rəqibini üstələyib - 4:3. Cənubi Amerika təmsilçisi dekabrın 13-də yarımfinalda Xorvatiya seçməsi ilə üz-üzə gələcək.