TDT-nin müsəlman dini liderləri azad edilən ərazilərdə tarixi, mədəni və dini abidələrin bərpası üçün birgə işləyəcək

Türk Dövlətləri Təşkilatına (TDT) üzv ölkələrin müsəlman dini liderləri Azərbaycanın azad edilən ərazilərində zorakılıq, vandalizm və təbii fəlakət aktları nəticəsində zərər çəkmiş tarixi, mədəni və dini abidələrin bərpası üzrə birgə işlər görəcəklər.

“Report”un Şuşaya ezam olunmuş əməkdaşı xəbər verir ki, bu, TDT-yə üzv ölkələrin müsəlman dini liderlərinin birgə bəyanatında əksini tapıb.

Sənəddə ziyarət turları təşkil edən təşkilatlar arasında təcrübə mübadiləsi üçün birgə işin aparılması da qeyd olunub.