​Londonda Avropanın ən böyük məscidlərindən biri yanıb

Bakı. 26 sentyabr. REPORT.AZ/ Böyük Britaniyanın paytaxtı Londonda Qərbi Avropanın ən böyük məscidlərindən biri olan Beytül Fütuhda yanğın baş verib.

"Report" "The Independent" nəşrinə istinadən xəbər verir ki, məsciddə olan insanlar təxliyə edilib.

"Zirzəmi və birinci mərtəbənin bir hissəsini əhatə edən alovu təqribən 70 yanğınsöndürən söndürməyə çalışıb. Bir nəfər tüstüdən boğulub və xəstəxanaya aparılıb", – deyə məlumatda bildirilir.

2003-cü ildə inşa olunan Beytül Fütuh məscidi 10 min nəfərə yaxın tutuma malikdir və 21 min kvadrat metr sahəni əhatə edir.