Dövlət Komitəsinin sədri Ramazanla bağlı fitvaya əməl olunmasından danışdı

“Azərbaycanda fəaliyyət göstərən dini icmaların heç birində kimsə Ramazan ayı ərzində hansısa dini ayinin kütləvi və toplu şəkildə keçirilməsini təkid edəcək çağırış etmədi və belə müraciətlər olmadı. Çünki vətəndaşlar məsələnin ciddiliyinin fərqindədirlər”.

“Report” xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı Yeni TV-yə müsahibəsində deyib.

O bildirib ki, Ramazan ayı müddətində narazılıq və ya ziddiyətli hal aşkar edilməyib: “Bu günə qədər, bəlkə də, əhəmiyyət daşımayan fakt ola bilər, ancaq verilən fitvaya qarşı heç bir əks hərəkət olmayıb”.