Nazir: Ölkədə siniflərin 99 faizində şagird sıxlığı 40 nəfərdən aşağıdır

Azərbaycanda siniflərin 99 faizində şagird sıxlığı 40 nəfərdən aşağıdır.

"Report" xəbər verir ki, bunu elm və təhsil naziri Emin Əmrullayev yeni dərs ili ilə bağlı mətbuat konfransında çıxışı zamanı deyib.

Onun sözlərinə görə, ölkədə, ümumilikdə, təxminən 80 min sinif mövcuddur:

"Hazırda 40-dan çox şagirdin təhsil aldığı siniflərin sayı cəmi 600-dür və bu da bütün siniflərin 1 faizindən də azını təşkil edir. 40-dan çox şagirdi olan siniflərdə 24 mindən bir qədər çox şagird təhsil alır".

Emin Əmrullayev bildirib ki, bu göstəricilər nəzərə alınaraq şagird sıxlığı Azərbaycan təhsil sisteminin ən böyük problemi sayıla bilməz:

"Hazırda mövcud olan 1 faizlik problem üzrə də yerlərdə məqsədyönlü işlər aparılır".