Yəmənin paytaxtında vəba epidemiyası ilə əlaqədar fövqəladə vəziyyət elan edilib

Bakı. 15 may. REPORT.AZ/ Yəmən paytaxtı Səna şəhərində vəba epidemiyası ilə əlaqədar fövqəladə vəziyyət elan edilib

"Report"un məlumatına görə, bu barədə "Reuters" xəbər verib.

Xəbərdə bildirilir ki, ölkənin Səhiyyə Nazirliyi yaranmış ağır durumla əlaqədar və "misli görünməmiş" fəlakətin qarşısını almaq üçün müxtəlif humanitar təşkilatları köməyə çağırıb.

Qeyd edilir ki, ölkənin iki illik müharibə nəticəsində zərər çəkmiş səhiyyə sistemi xəstəliyin öhdəsindən müstəqil gələ bilmir. 

Xatırladaq ki, vəba epidemiyası ölkədə onlarla insanın həyatına son qoyub.