Bakı. 31 yanvar. REPORT.AZ/ Yəmənin Qırmızı dənizdəki Hodeyda limanında Səudiyyə Ərəbistanı gəmisinə hücum nəticəsində iki nəfər həlak olub.
"Report"un məlumatına görə, bu barədə "RİA Novosti" xəbər verir.
Məlumata görə, hadisə zamanı daha üç nəfər yaralanıb. Qeyd edilir ki, Hodeyda şəhəri husilərin nəzarəti altındadır. Lakin hücumun konkret olaraq hansı qruplaşma tərəfindən edildiyi dəqiq açıqlanmır.
Qeyd edək ki, Yəməndə silahlı qarşıdurmalar 2014-cü ildən bəri davam edir.