Yaponiya Rusiya və Şimali Koreyaya qarşı yeni sanksiyalar hazırlayır

Yaponiya hökuməti Rusiya və Şimali Koreya arasında hərbi əməkdaşlıq səbəbindən bu ölkələrə qarşı əlavə sanksiyaların tətbiqi məsələsini nəzərdən keçirir.

“Report” TASS-a istinadən xəbər verir ki, bu barədə Yaponiyanın xarici işlər naziri Takesi İvaya məlumat verib.

Onun sözlərinə görə, Tokio bu addımları ABŞ və digər ölkələrlə razılaşdırılmış şəkildə atır.

Nazir bildirib ki, hazırlanan sanksiyaların detalları işlənmə mərhələsindədir və paket bir müddət sonra elan ediləcək.